د ليسټر، ليسټرشایر او رټلنډ د پاملرنې ثبت څه شی دی؟

د ليسټر، ليسټرشایر او رټلنډ د پاملرنې ثبت یا ریکارډ یو خوندي کمپیوټري سیسټم دی چې د هغو کسانو مهم معلومات راټولوي چې د خپل عمومي معالج (GP)، سیمه‌ییز روغتون، ټولنیزو روغتیايي خدمتونو، ټولنیزو خدمتونو یا د رواني روغتیا ټیمونو لخوا ورکړل شوي خدمتونه یې کارولي وي. دا سیسټم کلینیکي او د پاملرنې کارکوونکو ته اجازه ورکوي چې په ریښتیني وخت کې د روغتیایي پاملرنې معلومات په مختلفو سیسټمونو او د پاملرنې وړاندې کولو ادارو تر منځ وګوري.

ټولې ریکارډونه یا ثبت شوي مواد په کلکه توګه محرم دي او یوازې هغه کلینیکي او پاملرنې کارکوونکي ورته لاسرسی لري چې په مستقیم ډول ستاسو په پاملرنه کې شامل دي. د ليسټر، ليسټرشایر او رټلنډ د پاملرنې ثبت د یوه کس په اړه ځینې ځانګړي معلومات ساتي، لکه:

• پته او د تلیفون شمېره
• لیدژمنې یا اپاینټمنټونه
• درمل – ترڅو ټول هغه څوک چې تاسو ته پاملرنه کوي پوه شي چې کوم درمل تاسو ته نسخه شوي دي
• حساسیتونه یا الرژۍ – ترڅو تاسو ته داسې درمل نسخه یا در نه کړل شي چې ښایي تاسې ته تاوان ورسوي
• د معایناتو پایلې – ترڅو ستاسو درملنه او پاملرنه ګړندۍ شي
• راجع کول، کلینیکي لیکونه او د رخصتۍ معلومات – ترڅو هغه کسان چې تاسو ته پاملرنه کوي له نورو ځایونو څخه د ترلاسه شوې پاملرنې او درملنې په اړه ټول اړین معلومات ولري.
  
  

څوک کولای شي زما د ليسټر، ليسټرشایر او رټلنډ د پاملرنې ثبت وګوري؟

یوازې هغه کلینیکي او د پاملرنې کارکوونکي چې په مستقیم ډول ستاسو په پاملرنه کې دخیل وي ستاسو د ليسټر، ليسټرشایر او رټلنډ د پاملرنې ثبت لیدلی شي. موږ به دا معلومات هېڅکله له هغو کسانو سره شریک نه کړو چې ستاسو درملنه، پاملرنه یا ملاتړ نه کوي. ستاسو معلومات به عام نه شي او هېڅوک به یې هغه چا ته ونه سپاري چې په مستقیم ډول ستاسو په پاملرنه کې دخیل نه وي.

څنګه پوه شم چې زما د ليسټر، ليسټرشایر او رټلنډ د پاملرنې ثبت خوندي دی؟

ستاسو معلومات په خوندي ډول د سیمې له مختلفو کلینیکي او د پاملرنې سیسټمونو څخه یوځای کیږي او د مستقیمې پاملرنې پر مهال د استعمال لپاره د ليسټر، ليسټرشایر او رټلنډ د پاملرنې ثبت کې ښودل کیږي او محرم پاتې کیږي.

د 2 پاڼې دننه

د ليسټر، ليسټرشایر او رټلنډ د پاملرنې ثبت هغه کلینیکي او د پاملرنې کارکوونکو ته چې په مستقیم ډول ستاسو په پاملرنه کې شامل وي، تر ټولو تازه معلوماتو ته لاسرسی برابروي.

دا کار داسې کوي چې ستاسو له کلینیکي او د پاملرنې ثبتونو څخه مناسب معلومات د ليسټر، ليسټرشایر او رټلنډ روغتیایي او ټولنیزې پاملرنې خدمتونو ترمنځ شریکوي.

د ليسټر، ليسټرشایر او رټلنډ د پاملرنې ثبت به چیرته کارول کیږي؟

د عمومي معالج (GP) کلینکونه / د ټولنې روغتیايي خدمتونه / د روغتیا ملي خدمتونو (NHS) روغتونونه / د ټولنیزې پاملرنې خدمتونه / د رواني روغتیا خدمتونه / د پاملرنې ځانګړي ځایونه  (Hospices)

د ليسټر، ليسټرشایر او رټلنډ د پاملرنې ثبت ګټې څه دي؟

• ګډه او خوندي پاملرنه
• ستاسو پاملرنې ته د زیاتو وختونو وقف
• د کاغذي یا اسنادو کارونو کمښت
• ستاسو ټول معلومات به په یوه ځای کې وي
• تاسو اړتیا نه لرئ چې خپل جزیات مختلفو کلینیکي او د پاملرنې کارکوونکو ته بیا بیا تکرار کړئ.

د 3 پاڼې دننه

سناریو 1

نو، دا څنګه کار کوي؟

جېمي (Jamie) د خپل ښوونځي په سفر کې د رټلنډ اوبو ته تللی او له حساسیت یا الرژیکي غبرګون سره مخ شوی.

والدین یې نه شي موندل کېدی؛ جېمي په امبولانس کې روغتون ته وړل کیږي.

د روغتون پاملرنې کارکوونکي د ليسټر، ليسټرشایر او رټلنډ د پاملرنې ثبت ته لاسرسی لري ترڅو د جېمي د درملو او حساسیت تاریخچه وګوري.

• درمل او د حساسیتونو لیست: د جېمي د عمومي معالج لخوا وړاندې شوي
• د پېښې او بیړني حالت (A&E) لنډیز: د روغتون د پاملرنې کارکوونکو لخوا وړاندې شوې

ګټه
د ليسټر، ليسټرشایر او رټلنډ د پاملرنې ثبت کلینیکي او د پاملرنې کارکوونکو ته دا توان ورکوي چې په بیړني او خوندي ډول د جېمي درملنه وکړي.

د 4 پاڼې دننه

سناریو 2

هرپریت (Harpreet) په ليسټر سلطنتي روغتون (Leicester Royal Infirmary) کې له غورځېدو وروسته د رغیدو په حال کې ده.

پخوا چې دا په روغتون کې وه، مرخصي یې ناوخته شوه، ځکه چې د پاملرنې ټیم د یوې مودې لپاره پر دې نه پوهېده چې په کور کې څه ډول ملاتړ ورته د لاسرسي وړ دی.

اوس، د ليسټر، ليسټرشایر او رټلنډ د پاملرنې ثبت په مرسته، د مرخصۍ څانګه په ډاډ سره پوهیږي چې هرپریت ته په ليسټر کې په خپل کور کې مناسب ټولنیز خدمتونه چمتو شوي دي.

• له روغتون څخه د مرخصۍ لیک: له روغتون څخه د مرخصۍ ټیم لخوا برابر شوی
• د ټولنیزې پاملرنې پیکج: د ټولنیزو خدمتونو ټیم لخوا برابر شوی
• د ټولنې ملاتړ: د ټولنیزو نرسانو لخوا برابر شوی

ګټه
د هرپریت معلوماتو شریکول روغتون، ټولنې او د ټولنیزې پاملرنې ټیمونو ته دا توان ورکوي چې په لاښه توګه پوه شي او ښه او خوندي پاملرنه وړاندې کړي.

د شا پاڼه

آیا زه کولای شم د ليسټر، ليسټرشایر او رټلنډ د پاملرنې ثبت د شریکولو مخالفت وکړم؟

هو، تاسو حق لرئ چې د ليسټر، ليسټرشایر او رټلنډ د پاملرنې ثبت شریکولو سره مخالفت وکړئ. خو که چیرې کارکوونکي ستاسو د خوندي انفرادي پاملرنې لپاره معلوماتو ته اړتیا ولري، هغوی قانوني حق لري چې لاسرسی ورته وکړي.

څه پوښتنې لرئ؟

که تاسو د ليسټر، ليسټرشایر او رټلنډ د پاملرنې ثبت په اړه کومه پوښتنه لرئ، مهرباني وکړئ له هر روغتیایي یا د پاملرنې متخصص سره اړیکه ونیسئ چې ستاسو پوښتنه د هغوی د سازمان د معلوماتو د مدیریت څانګې ته وسپاري.

نور معلومات

د نورو معلوماتو لپاره، مهرباني وکړئ د ليسټر ښار د CCG ویب پاڼه وګورئ: 

https://leicesterleicestershireandrutland.icb.nhs.uk/your-care-record/

د ليسټر، ليسټرشایر او رټلنډ (LLR) د پاملرنې ثبت پروګرام ټیم سره د اړیکې لپاره، مهرباني وکړئ ایمیل وکړئ: leicspart.llrcarerecord@nhs.net